Janë arrestuar katër persona në Podujevë, pasi të njëjtit pas një mosmarrëveshje rreth një kontesti pronësor kanë sulmuar fizikisht dy burra.
Të dyshuarit u kanë shkaktuar lëndime të rënda trupore viktimave, të cilët edhe kanë pranuar tretman mjekësor.
Nga policia thonë se janë kontrolluar edhe shtëpitë e të dyshuarve por që nuk është gjetur asgjë.
Ndërsa ata edhe janë dërguar në mbajtje.
“Janë arrestuar katër të dyshuar meshkuj kosovarë, pasi që të njëjtit pas një mosmarrëveshje rreth një kontesti pronësor, i kanë sulmuar fizikisht dy viktimat meshkuj kosovarë, të cilëve u kanë shkaktuar lëndime të rënda trupore. Dy viktimat dhe tre të dyshuarit kanë pranuar tretman mjekësor. Me vendim të prokurorit është kontrolluar shtëpia e të dyshuarve, por nuk është gjetur asgjë ndërsa të dyshuarit pas intervistimit janë dërguar në mbajtje”, thuhet në raportin 24-orësh të PK-së. /teve1.info/