Dy gra janë arrestuar, mbrëmë në fshatin Penuhë në Podujevë, pasi që të njëjtët kanë penguar e sulmuar fizikisht zyrtarët policorë.
Si pasojë e sulmit, një zyrtar policor ka pësuar lëndime trupore dhe ka pranuar tretman mjekësor.
Ndërkohë, Policia thotë se të dyshuarat kanë pasur shenja të pakënaqësisë lidhur me shqiptimin e një gjobe për kundërvajtje në trafik.
Lidhur me rastin, me vendim të prokurorit të dyshuarat janë liruar dhe rasti ka shkuar në procedurë të rregullt.
“Fsh. Penuhë, Podujevë 20.10.2023-12:20. Janë arrestuar dy (2) të dyshuara femra kosovare pasi të njëjtat në shenjë pakënaqësie me shqiptimin e një gjobe për kundërvajtje në trafik, kanë penguar dhe sulmuar fizikisht zyrtarët policorë. Si pasojë e sulmit njëri nga zyrtarët policor ka pësuar lëndime trupore dhe ka pranuar tretman mjekësor. Me vendim të prokurorit të dyshuarat janë liruar, rasti vazhdon në procedurë të rregullt”, thuhet në njoftim./teve1.info/
