Policia e Kosovës ka arrestuar katër persona të dyshuar për një rast lëndimi të rëndë i cili kishte ndodhur më 1 shkurt në rrugën “Pajazit Islami” në Fushë – Kosovë.
Të dyshuarit janë arrestuar të hënën.
“Më 02.02.2026 lidhur me rastin janë arrestuar katër të dyshuar meshkuj kosovarë dhe me vendim të prokurorit janë dërguar ne mbajtje”, thuhet në raportin 24- orësh të PK-së.
Ndërsa më 1 shkurt të arrestuarit kishin sulmuar dy persona ku njëri nga ta ishte therur me thikë dhe ishte dërguar në QKUK./teve1.info/
