Armenia ka thënë se ka humbur 49 ushtarë të saj ndërsa Azerbaixhani ka thënë se ka 50 të vrarë.
Luftimet raportohet se kishin filluar mesnatën e të hënës kur Azerbaixhani nisi një sulm me dronë e artileri në territorin armen, sipas medias amerikane fresnobee.com.
Ministria armene e mbrojtjes tha se luftimet vazhdojnë, megjithë një tentativë të Rusisë për të ndërmjetësuar një armëpushim të shpejtë.
Ata shtonin se goditjet e Azerbaixhanit kishin dëmtuar infrastrukturë civile dhe kishin plagosur një numër civilësh.
Ndërsa ministria e jashtme e Azerbaixhanit tha se po “reagonte ndaj një provokimi të Armenisë”.
Zhvillimi i përgjakshëm vjen pas konfliktit të rëndë gjashtë javor mes dy vendeve në 2020, pas të cilit Azerbajxhani përfitoi pjesë të konsiderueshme territoresh ne rajonin e kontestuar te Nagorno-Karabak, pas marrëveshjes së ndërmjetësuar nga Rusia.
Moska raportohet se ka dislokuar rreth 2000 trupa paqeruajtëse në rajon dhe është përpjekur të ruajë marrëdhënie paqësore me dy vendeve ish-sovjetike.
Armenia i bënte thirrje sot sërish Rusisë dhe më pas Francës e SHBA për të ndërhyrë në mbylljen e sulmeve.
Sekretari amerikan i shtetit Blinken raportohet se ka folur me presidentin e Azerbaixhanit, Ilham Aliyev. Kryeministri armen Nikol Pashinyan refuzonte pretendimet e Azerbaixhanit se ka pasur provokime nga Armenia, ndërsa shprehte ngushëllimeve familjeve të ushtarakëve të vrarë më 13 shtator./tch
