Dy persona për armëmbajtje pa leje janë ndaluar nga Policia në dy raste të ndara në rajonin e Ferizajt.
Sipas njoftimit në rastin e parë është ndaluar një 51 vjeçar në fshatin Mollopolc të Shtimes tek i cili kanë gjetur një pushkë të gjuestisë me pesë fishekë.
“Me datën 11.12.2024, rreth orës 10:50, policia e stacionit në Shtime ka pranuar një informatë se në një person ka me vete një armë zjarri. Policët e rendit menjëherë janë nisur në atë drejtim dhe kanë arritur të identifikojnë të dyshuarin I. Q (M/K), i moshës 51 vjeçar, tek i cili kanë gjetur armën e zjarrit ( pushkë e gjuetisë) me pesë fishekë. I dyshuari është shoqëruar në stacionin e policisë në Shtime dhe pas intervistimit nga policët hetues, me vendim të prokurorit të shtetit është liruar për procedurë të rregullt hetimore, ndërsa si provë materiale është sekuestruar armë e zjarrit, e cila ishte dhe me dokumentacion të skaduar”, thuhet në njoftim.
Ndërkaq, në rastin e dytë është ndaluar një 44 vjeçar në rrugën “Reçaku” në Ferizaj tek i cili është gjetur një pistoletë me 10 fishekë.
“Me datën 12.12.2024, rreth orës 03:40, në rrugën ‘’Reçaku’’ në Ferizaj, gjatë patrullimit policët e stacionit të Ferizajt kanë ndaluar një veturë me targa vendore dhe gjatë kontrollimit të personave dhe veturës, tek i dyshuari A.S (M/K) i moshës 44 vjeçar është gjetur një armë zjarri (pistoletë) me 10 fishkë dhe i dyshuari është shoqëruar në stacionin e policisë”,
Pas intervistimit nga policët hetues, me vendim të prokurorit të shtetit i dyshuari A.S është ndaluar në mbajtje për 48 orë, për procedura tjera hetimore, ndërsa si provë materiale është sekuestruar arma e zjarrit./teve1.info/.
