Sipas politologut, Dritëro Arifi, Kosova ligjërisht e ka pranuar Asociacionin e Komunave me shumicë serbe.
Po ashtu, Arifi tha se nga zbritja e 6 kushteve të Asociacionit, tani në 3 kushte, tregon se janë jo serioze.
“Kosova ligjërisht e ka pranuar Asociacionin, politikisht s’ka pasur vullnet ta implementojë. Pra, ligjërisht në Kuvend është ratifikuar. Po ashtu, kemi një kundërshtim logjik, politik dhe moral. Sepse Bislimi në Bruksel të nesërmen para Komisionit për Politikë të Jashtme, ka thënë që vetëm 3 kushte janë për Asociacionin, do të thotë i heq ato 6 kushtet që i ka dhënë kryeministri Kurti. E tani kanë zbritur në 3 kushte jo serioze dhe fëmijërore”, deklaroi Arifi në emisionin “Këndi i Debatit”.
Njëherit, Arifi vlerësoi që nuk ka fare opozitë.
“Defenitivisht nuk kemi opozitë. Nuk guxon numri dy i Qeverisë ta ndryshojë se çka thotë kryeministri ose presidentja”, shtoi tutje Arifi në Tëvë1.
Megjithatë, Arifi tha se e rëndësishme është që Shtetet e Bashkuara të Amerikës po e mbështesin fuqishëm planin evropian./teve1.info/.
