Përmes një postimi në Facebook, Arifi ka e ka ndarë edhe dokomentin në të cilin pasqyrohet vendimi për intonimin e himnit serb në shkollat shqiptare të Preshevës, shkruan teve1.info.
“Nxënësit shqiptarë në Luginën e Preshevës detyrohen ligjërisht të intonojn himnin serb në ditën e parë të shkollës.Në dokumentin që po ndaj me ju, pasqyrohet vendimi për detyrimin e intonimit të himnit serb “Bože Pravde” në shkollat shqiptare të Luginës së Preshevës”, ka shkruar ai.
Tutje Arifi përmes postimit e ka ftuar Kryeministrin e Kosovës, Albin Kurti ta vizitoj shkollën fillore më të madhe në Preshevë dhe të njoftohet nga afër me këtë “padrejtësi” siç e quan ai.
“Tani shtrohet pyetja retorike, si qëndron e tëra kjo me të drejtat elementare të shqiptarëve në Luginë, kur dihet se simbolet kombëtare shqiptare janë të ndaluar. Kur jemi tek reciprociteti, cilat aktivitete e zhvillime janë ndërmarrur dhe planifikuar në këtë drejtim nga Qeveria e Republikës së Kosovës? Kryeministri Kurti është i mirëseardhur për vizitë në Shkollën Fillore më të madhe shqiptare në Luginën e Preshevës, të njoftohet për së afërmi me ketë padrejtësi dhe njëmijë padrejtësi të tjera”, ka shkruar Arifi./Teve1.info/
