Anglia është çerekfinalisti i katërt në Kupën e Botës. Tre luanët fituan me lehtësi sfidën eliminatore me Senegalin, derisa e mposhti me shifra prej 3:0.
Anglia tregoi dhëmbët që në pjesën e parë, teksa shkuan edhe në pushim të mes pjesëve të qetë me epërsi prej dy golave. Anglezët përpos që shënuan dy herë numëruan edhe disa raste reshtuarzi. Në epërsi anglezët i “çoi” anëtari i Liverpool, Jordan Henderson. Henderson shënoi në minutën e 38’, pas një topi të dhënë nga Jude Bellingham.
Golin e dytë për Anglinë në pjesën e parë e shënoi Harry Kane, në minutën e 45+2′. Ky është goli i parë për Kane, pas gjashtë ndeshjeve në Kampionat Botëror. Gjatë pjesës së parë, edhe Senegali pati një mundësi të mirë shënimi, por Jordan Pickford me një pritje fantastike mohoi golin për afrikanët.
Ndërkaq fitoren anglezëve ia vulosi Bukayo Saka në minutën e 57-t, dhe me këtë gol afrikanët thuajse u dorëzuan e u pajtuan me humbjen, teksa “tre luanët’ mbanin dominimin dhe herë pas herë rrezikuan edhe portën e senegalezëve.
Anglia pas kësaj fitore në raundin tjetër takohet me Francën, ku këta të fundi mposhtën Poloninë 3:1. /Tëvë1/
