Kapiteni i Kombëtares së Kosovës, Amir Rrahmani po monitorohet nga skuadra e Juventusit.
Bëhet e ditur se trajneri i Juventusit, Luciano Spalletti është adhurues i madh i Rrahmanit dhe po insiston te drejtuesit e klubit që të bëjnë një lëvizje për transferimin e tij këtë verë.
Madje, Juventusi thuhet se po përgatit një ofertë për ta bindur Napolin në lirimin e Rrahmanit.
Krahas ofertës financiare, Juventusi është i gatshëm që në shkëmbim me Rrahmanin ta përfshijë mbrojtësin Federico Gatti, i cili po kërkohet nga Napoli.
Rrahmani 32-vjeçar është ndër mbrojtësit më të vlerësuar në Serie A të Italisë, ndërsa me fanellën e Napolit ka fituar dy tituj kampioni.
Ai është pjesë e Napolit prej vitit 2020 kur iu bashkua nga Verona dhe me napolitanët thuhet se ka marrëveshje për rinovimin e kontratës deri në vitin 2029 pasi aktualja i skadon vitin e ardhshëm.
Tek Juventusi, aktualisht është Edon Zhegrova, e ardhmja e të cilit mbetet e paqartë në Torino.
