Banimi social dhe banimi i përballueshëm është projekt prioritar i ministrisë tonë, ka thënë Ministri i Mjedisit, Planifikimit Hapësinor dhe Infrastrukturës, Liburn Aliu.
Ai ka thënë se për banimin e përballueshëm janë duke punuar në hartimin e Ligjit.
Aliu në emisioni Këndi i Debatit” në Tëvë 1, tha se nëse aprovohet kredia dhe miratohet në Kuvend, gurthemelet do të vendosen gjatë këtij viti.
“Mund të them se këtë vit do të vendosen gurthemelet, besoj që më komunën e Drenasit që jemi më së afërmi dhe atë të Pejës të fillojnë proceduat. Por duhet të presim që të na miratohet kredia dhe të miratohet në Kuvend”, tha ai.
Ministri tha se janë në pritje të caktimit të komunave për lokacionet që të ecin përpara, ndërsa tregoi se disa komuna si ajo Pejës, Drenasit, Gjilanit, kanë identifikuar lokacionet.
Ndërtimi i këtyre banesave ka qenë një prej premtimeve të Lëvizjes Vetëvendosje.
