Pas zgjedhjes në krye të Portit të Durrësit, Liburn Aliu ka premtuar se do të vijojë punën për të çuar përpara projektet madhore të modernizimit të këtij porti, si edhe ndërtimin e Portit të ri në Porto Romano.
Duke shprehur mirënjohjen ndaj kryeministrit shqiptar Edi Rama dhe zëvendëskryeministres Belinda Balluku për besimin e dhënë, Aliu theksoi në një postim në Facebook se ky është një hap i rëndësishëm drejt së ardhmes.
“Mirënjohës dhe falënderues ndaj Kryeministrit Edi Rama dhe Zv.Kryeministres Belinda Balluku për besimin e dhënë. Me përkushtim të plotë, do të vijojmë punën për të çuar përpara projektet madhore të modernizimit të Portit të Durrësit dhe ndërtimin e Portit të ri në Porto Romano, një nyje strategjike rajonale me ndikim të thellë ekonomik e tregtar për të gjithë shqiptarët. Ky është një hap i rëndësishëm drejt së ardhmes që po ndërtojmë me vizion, punë dhe besim”, ka shkruar ai në Facebook.
