Alarmi për bombë në Aeroportin Ndërkombëtar të Prishtinës ka rezultuar të jetë i rrejshëm.
Zëdhënësja e ANP “Adem Jashari”, Valentina Gara ka bërë të ditur se aeroporti tani e tutje është i hapur për fluturime dhe të gjitha fluturimet do të procesohen si zakonisht.
“Ju njoftojmë se janë ndërmarrë të gjitha veprimet operative dhe hetimore nga organet kompetente të Republikës së Kosovës.K jo ka rezultuar se kërcënimi me bombë ka qenë alarm i rrejshëm. ANP ‘Adem Jashari’ është i hapur për fluturime, dhe të gjitha fluturimet do të procesohen si zakonisht”, ka shkruar ajo.
