Skuadrat arabe nuk kanë të ndalur. Sipas Sky Sports, Al-Hilali ka bërë ofertë zyrtare për Kylian Mbappen te PSG-ja. Oferta e klubit arab është 300 milionë euro, që është rekord. Ndërkohë në rrjete sociale ka pasur raportime se Mbappes i është ofruar pagë vjetore prej plot 700 milionë eurove.
Kjo ofertë i është bërë për një vit dhe francezi në vitin 2024 do të mund t’i bashkohej Real Madridit. Megjithatë oferta prej 700 milionë euro në vit nuk është raportuar nga media të fuqishme ndërkombëtare. Sipas Sky Sports, më shumë se pesë klube kanë kontaktuar Parisin për Mbappen.
Ai është lënë jashtë turneut përgatitor të PSG-së, ndërsa ka vetëm edhe një vit kontratë me parisienët.
