Sot, Shqipëria po mban ditë zie, pas aksidentit mes trenave në Greqi, ku nga të vdekurit ishin edhe gjashtë shqiptarë.
Kryeministri i Shqipërisë, Edi Rama, në Facebook ka publikuar një fotografi, ku shihet flamuri shqiptar në gjysmështizë i vendosur në oborrin e kryeministrisë.
Përmes një statusi ai shkroi “Mirmëngjes”, si dhe duke ia bashkangjitur flamujt e Shqipërisë dhe Greqisë.
Në këtë aksident kanë mbetur të vdekur të paktën 57 persona dhe janë lënduar dhjetëra të tjerë, raporton teve1.info.
Në Greqi po vijojnë ende operacionet e shpëtimit dhe pritet identifikimi edhe i një personi tjetër.
Ky aksident, që Qeveria ia ka lënë fajin gabimit njerëzor, nxitur zemërim dhe protesta në Greqi. Ministri grek i Transportit dha dorëheqjen pas përplasjes së trenave ndërsa në vend është hapur një debat i madh mbi sigurinë në transportin hekurudhor.
