Katër persona kanë mbetur të lënduar si pasojë e një aksidenti trafiku që ka ndodhur në fshatin Vitomiricë, në komunën e Pejës.
Lajmin për Tëvë1 e konfirmoi zëdhënësi i Policisë për rajonin e Pejës, Driton Rugova. Ai tha se aksidenti përfshiu dy vetura dhe se të lënduarit po marrin trajtim mjekësor në Spitalin Rajonal të Pejës.
“Sot rreth orës 12:05, Policia është njoftuar për një aksident trafiku i cili ka ndodhur në fshatin Vitomiricë-Pejë. Në këtë aksident ishin të involvuara dy vetura dhe si pasojë e aksidentit katër persona kanë pësuar lëndime trupore. Të njëjtit janë dërguar në spitalin rajonal në Pejë për trajtim mjekësor,” ka thënë Rugova.
Policia ka nisur hetimet për të përcaktuar shkakun e aksidentit.
