Agjencia për Regjistrimin e Bizneseve në Kosovë dhe Agjencia e Kosovës për Inteligjencë, kanë nënshkruar memorandum bashkëpunimi, me të cilin dy institucionet ky memorandum do të ndihmojë ARBK-në dhe AKI-në, në avancimin e bashkëpunimit dhe lehtësimin e përmbushjes së detyrave dhe përgjegjësive Kushtetuese dhe Ligjore.
Memorandumi i bashkëpunimit u nënshkrua nga zv. drejtorja e përgjithshme e Agjencisë për Regjistrimin e Bizneseve në Kosovë, Lebibe Haliti dhe drejtori i AKI- së, Petrit Ajeti.
Informacionet e grumbulluara nga ky bashkëpunim, do të ndihmojnë në luftën kundër krimit te organizuar, shpëlarjes së parave, financimit të terrorizmit, luftën kundër ekonomisë jo formale, identifikimin e kapitalit dhe investimeve nga vende dhe individ të sanksionuar nga Institucionet Ndërkombëtare, si dhe identifikimin e kapitalit të dyshimtë./kp/
