Mbrojtësi i Kombëtares së Shqipërisë, Arlind Ajeti do të jetë futbollisti i radhës që do të largohet nga skuadra e Clujit të Rumanisë.
Bëhet e ditur se Ajeti gjatë këtyre ditëve do të prezantohet te skuadra e re pasi Cluji tashmë ka marrëveshje me ekipin nga Turqia për shitjen e tij.
Ajeti do ta vazhdoj karrierën në kategorinë e dytë të Turqisë, pasi do të jetë pjesë e skuadrës së Bodrumit me të cilën pritet të firmos kontratë dyvjeçare.
Detajet e marrëveshjes mes klubeve nuk janë bërë të ditura, por thuhet se Cluji do të përfitoj rreth 1 milionë euro nga shitja e Sadikut, i cili të hënën mbrëma do të jetë në Bodrum për të kryer testet mjekësore.
Ajeti iu bashkua Clujit verën e shkuar dhe këtë sezon ka vetëm një paraqitje në kampionatin rumun për shkak se ka qenë i lënduar.
Ai ka kontratë deri në vitin 2025 me Clujin, ekip që javë më parë shkëputi kontratën me Armend Thaqin.
