Përmes një njoftimi nga AIP-it kanë bërë të ditur se lidhur me këtë ka nxjerrë ndalimin e parakohshëm të përpunimit të të dhënave personale përmes vëzhgimit me kamerë, dhe ka urdhëruar shkatërrimin e të dhënave të grumbulluara përmes këtij sistemi.
“Gjatë procesit të inspektimit, inspektorët e AIP-së, kanë konstatuar se shumica e kontrolluesve kanë aplikuar vëzhgimin me kamera në kundërshtim me Ligjin për Mbrojtjen e të Dhënave Personale, duke mos plotësuar kriteret e parapara me ligj. Me këtë rast AIP, ka nxjerrë vendim për ndalimin e përkohshëm të përpunimit të të dhënave personale përmes vëzhgimit me kamerë dhe ka urdhëruar shkatërrimin e të dhënave të grumbulluara përmes këtij sistemi, deri në datën e pranimit të vendimit”, thuhet në njoftim.
Po ashtu nga AIP kanë thënë se do të vazhdojnë me inspektime dhe kontrolle për të mbikëqyrur ligjshmërinë e përpunimit të të dhënave personale, përmes sistemit të vëzhgimit me kamerë në të gjithë territorin e Kosovës. /teve1.info/
