Ai tha se pushteti i ka të gjithë mekanizmat për të hetuar keqpërdorimet eventuale në sektorin e enegjisë dhe se nuk ka nevojë që partia në pushtet të kërkojë formimin e komisionit hetimor. Sipas tij, dokumentin e privatizimit të KEK-ut, e ka ministrja Artane Rizvanolli e cila mund ta dërgojë në prokurori dhe të hapë lëndë për këtë çështje.
Mirëpo, Ahmeti vlerëson se në Vetëvendosje nuk janë realisht të interesuar për të hetuar çdo keqpërdorim që ka ndodhur.
“Vetëvendosja më herët nuk e ka folur asnjëherë asnjë fjalë për të gjitha aferat në të kaluarën me energjinë elektrike, ndërkohë që sapo opozita filloi të bëjë kërkesë për një komision hetimor, Vetëvendosja del me një propozim tjetër, i cili është tendencë për heshtje, tendencë për shantazhim të partive opozitare. Pra, ministrja, Artane Rizvanolli, e ka dokumentin e privatizimit të KEK-ut, ajo mund ta dërgojë atë dokument në prokurori dhe të hapë landë për këtë cështje, por nuk do e bëjnë këtë sepse nuk janë të interesuar realisht për të hetuar krejt këtë keqpërdorim që ka ndodhur”, tha Ahmeti në emisionin “Ditari” në Tëvë1.
Ahmeti tha se kërkesa e Vetëvendosjes për hetim parlamentar i bie si të thuash “ nëse ju kërkoni hetim për 6 muajt e mi në qeverisje, unë do ju hetoj juve për 16 vite”.
/teve1.info/
