Kandidati për kryetar të Prizrenit nga rradhët e LVV-së, Artan Abrashi ka shpërndarë vizionin e tij për transformimin urban dhe administrativ të qytetit përmes një videomesazhi në Facebook.
Abrashi ka premtuar se ky qytet do të ketë rrugë urbane me trotuare të aksesueshme, shtigje për biçikleta, ndriçim efikas dhe siguri në çdo vendkalim.
Ai po ashtu është zotuar se administrata do të jetë transparente, me zyra të hapura, shërbime online dhe raportim publik çdo 3 muaj.
“Do të përfundojmë rrugët publike në çdo fshat, unazën e dytë të qytetit, nënkalimin nga Ura e Gjevrisë deri te rrethi i Spitalit, urën Has–Anadrini dhe tunelin ITP–Marash. Qyteti do të ketë rrugë urbane me trotuare të aksesueshme, shtigje për biçikleta, ndriçim efikas dhe siguri në çdo vendkalim. Administrata do të jetë transparente, me zyra të hapura, shërbime online dhe raportim publik çdo 3 muaj. Ky është vizioni ynë për një Prizren funksional, çdo ditë”, ka thënë Abrashi./teve1.info/
