Këtë deklaratë Abdixhiku e ka bërë në rrjetin social Facebook teksa ka njoftuar se mëngjesin e sotëm e ka vizituar tregun e gjelbër në Prishtinë ku është takuar me qytetarë të shumtë, shkruan teve1.info.
“Kosto e jetës është bërë e papërballueshme. Me këtë pushtet, mijëra njerëz po përpiqen fort t’i bëjnë ballë rritjes së paprecedentë të çmimeve. Përgjatë dy viteve të shkuara, norma mesatare e inflacionit në Kosovë ka arritur në mbi 20%, përderisa çmimet e produkteve bazike janë rritur për mbi 50%. Kaq shumë ndryshim në kaq pak kohë, nuk ka patur asnjëherë. Pavarësisht kësaj rritjeje, Qeveria nuk ka ofruar asnjë zgjidhje dhe jetën e dinjitetshme që familjet kosovare e meritojnë
Tutje Abdixhiku ka thënë se propozimet e LDK-së janë refuzuar deri më tani sipas tij jo sepse nuk ishin adekuate, por sepse ishin të LDK-së.
“Nuk mund të vazhdojmë kështu. Duhet të heqim TVSH-në në produktet bazike, të ulim çdo barrë tatimore tani, dhe t’i rrisim pagat në përputhje me inflacionin. Ky është plani i LDK-së, një plan në anën e familjeve dhe njerëzve punëtorë”, ka shkruar i pari i LDK-së.
