Kryetari i Lidhja Demokratike e Kosovës, Lumir Abdixhiku, ka deklaruar se partia e tij nuk do të marrë pjesë në seancën e thirrur për çështjen e presidentit, duke e cilësuar atë si një “show njëpartiak”.
Ai tha se ky proces, sipas LDK-së, nuk i shërben interesave të vendit dhe për këtë arsye deputetët e kësaj partie do të bojkotojnë seancën.
“LDK-ja e konsideron që ky show njëpartiak nuk i shërben interesave të Republikës dhe në këtë drejtim nuk marrim pjesë në një show të tillë. Le ta marrin si të dëshirojnë, por kjo është e vërteta”, u shpreh Abdixhiku.
Ai gjithashtu ka komentuar raportet politike me kryeministrin Albin Kurti, duke thënë se nuk e kupton qëndrimin e tij ndaj presidentes Vjosa Osmani.
“Nuk arrij ta kuptoj pse zotit Kurti po i pengon Vjosa Osmani. Nëse ai nuk do ta zgjedhë, jam i bindur se populli i Kosovës do ta zgjedhë”, deklaroi kreu i LDK-së.
Në fund, Abdixhiku theksoi se qëndrimi i LDK-së mbetet mospjesëmarrja në këtë proces parlamentar.
