Lidhja Demokratike e Kosovës të martën ka mbajtur tubim në komunën e Novobërdës për të shpalosur projektet dhe idetë e tyre.
Kandidati për kryeministër nga rradhët e LDK-së, Lumir Abdixhiku ka thënë se kanë qëndruar aty si dëshmi se për LDK-në nuk ka qytet të madh e të vogël.
Sipas tij Lidhja Demokratike e Kosovës do të shërbejë e do të kujdeset për të gjithë.
“Edhe në Komunën e vogël të Novobërdës mbajtëm tubim. Edhe këtu, pas një kohe të gjatë, na pritën me plot ngrohtësi. Qëndruam këtu si dëshmi se nuk ka qytetarë të rendit të parë e të dytë; qytet të madh e të vogël për ne. Jemi një, bashkë, nën një fat për të gjithë. Do të shërbejmë e do të kujdesemi për të gjithë. Edhe këtu, shpalosëm projektet e idetë tona. Kohë për ndarje e përplasje nuk kemi. Kemi vetëm një obligim; të paraqitemi denjësisht para qytetarëve tanë me zotime e projekte për 4 vitet e ardhshme! Bajrush Ymeri, është kandidati i vetëm nga kjo Komunë – në gjithë Kosovën, për deputet në Kuvendin e vendit. 124 është numri ynë. 9 shkurti është festa jonë”, ka shkruar ai në Facebook.
