Kryetari i LDK-së, Lumir Abdixhiku, ka qëndruar të martën në Pejë për t’i dhënë përkrahje Gazmend Muhaxherit në garën për balotazhin e 9 nëntorit.
Kryetari aktual i Pejës, Gazmend Muhaxheri, në këtë garë do të përballet me kandidatin e Lëvizjes Vetëvendosje, Taulant Kelmendin.
Abdixhiku është shprehur i bindur se LDK-ja do të marrë mbështetje të madhe qytetare si në Komunën e Prishtinës, ashtu edhe në Komunën e Pejës.
“Në Pejën e bukur, me Gazin, për një fitore bindëse si vazhdimësi e punëve të mbara. Të dielën, me 9 nëntor, Prishtina flet e para, Peja e Dukagjinit i flet pas; bindshëm dhe qartë. LDK në dy krahët e saj do të marrë mbështetje të madhe qytetare. Dy festa në dy anë. Sepse shfaqjet politike, fjalët e thata e vet propaganda nuk përcaktojnë më fatin e njerëzve tanë. Kosova don zhvillim. Qytetarët tanë duan jetë të mirë e qytetet tona duan punë. LDK është siguri dhe punë. Prandaj dhe fiton”, ka shkruar Abdixhiku në Facebook.
