Kryeministri i Malit të Zi Dritan Abazoviç e ka vlerësuar Turqinë si një “vend kyç” në Ballkanin Perëndimor dhe tha se roli i saj ndërmjetësues midis Serbisë dhe Kosovës është “shumë i rëndësishëm”.
“Presidenti (Turk) (Recep Tajip) Erdogan është një udhëheqës që mund t’i bindë palët e trazuara në Ballkan të vijnë në tryezë dhe të gjejnë zgjidhje të qëndrueshme për problemet në rajon,” tha Abazoviç ndërsa ndoqi një forum në Stamboll të dielën.
“Unë mendoj se roli ndërmjetësues i Turqisë në tensionin midis Serbisë dhe Kosovës është shumë i rëndësishëm,” u tha ai gazetarëve gjatë Forumit Rinor të Bashkëpunimit Islamik.
“Si një “superfuqi”, Turqia mban marrëdhënie miqësore me të gjithë botën”, tha Abazoviç, duke shtuar se “të gjithë hapat që do të ndërmarrë Turqia në diplomacinë globale, do të jenë të vlefshme si për vendet e rajonit ashtu edhe për Ballkanin”.
Kryeministri malazez theksoi gjithashtu se Turqia ka filluar të luajë një rol efektiv në Ballkan po aq sa në Bashkimin Evropian dhe SHBA.
“Shpresoj se presidenti Erdogan do të përfshihet më shumë në problemet në Ballkan. Kjo është jashtëzakonisht e rëndësishme për sigurimin e paqes dhe stabilitetit në rajon.”
