Këto deklarata ai bëri teksa foli për kërkesën e opozitës për krijimin e një komisioni për hetimin e krizës energjetike në vend.
“Në fakt ne veç kemi bërë një përgatitje të kërkesës për krijimin e komisonit hetimor edhe në të kaluarën ka qenë deri në një fazë të caktuar është shpërndarë parlamentari, unë personalisht kam bërë përgatitjen e kërkesës për krijimin e komisionit hetimor për privatizimin e KEDS-it në mënyrë specifike që mund t’i bashkëngjitet kërkesës së opozitës dhe t’i shqyrtojmë çështjet në aspekt përmbajtësor që në fund dalim me çështjet që përmbyllin çështje të hapura para publiku”, tha ai.
Në emisionin “Këndi i Debatit” në Tëvë 1, deputeti thotë se ka me dhjetëra komisione hetimore që duhet ngritur lidhur me çështjen e privatizimit të KEDS-it.
“Kemi me dhjetëra komisione hetimore që duhet ngritur por çështje përmbajtësore vazhdon me qenë e paqartë qysh me u privatizu KEDS-i e me u fut tre ose katër mikrohidrocentrale brenda distribucionit ose prona publike që janë dhënë në shfyrtëzim që janë pasuru tjerët ndërsa shteti është varfëru e punëtori ka mbetur edhe pa fabrikë edhe pa të ardhura”, shtoi ai./teve1.info/
