Aleanca për Ardhmërinë e Kosovës, mbështet propozim-rezolutën për mbështetjen urgjente financiare të Policisë së Kosovës.
Deputeti i kësaj partie, Bekë Berisha, vlerësoi që një situatë e tillë do kishte zgjidhje me trajtim të duhur në ligjin e pagave.
“Kjo situatë e Policisë do të ishte rregulluar sikur t’i kishim trajtuar mirë me ligjin e pagave. Ne normalisht që e përkrahim këtë rezolutë. Së pari po flas për rrezikshmërinë, shtesat për policinë, orët shtesë. Orët shtesë më herët janë paguar, por prej që ka ardhur kjo qeveri, këto shtesa janë ndalur. Rrezikshmëria është obligim i shtetit. Andaj, mund ta bëjnë një fond të posaçëm për policët e rënë në detyrë, për përkujdesjen e familjeve të tyre”, deklaroi Beka para deputetëve.
Ka nisur seanca e Kuvendit për shqyrtimin e Propozim-Rezolutës për mbështetjen urgjente financiare të Policisë së Kosovës.
Në seancë po mungojnë deputetët e Lëvizjes Vetëvendosje.
Të pranishëm janë ata të opozitës, Lidhjes Demokratike të Kosovës, Partisë Demokratike të Kosovës dhe Aleancës për Ardhmërinë e Kosovës./teve1.info/.
