Formimi i qeverisë së re dhe zgjedhja e presidentit ka nxitë debat ndërmjet gazetarit, Florent Zeqaj dhe Asdren Shalës ish- anëtarë i LVV-së dhe PSD-së në emisionin “Këndi i Debatit” në Tëvë1.
Zeqa ka thënë se Kurti i ka votat për ta formuar Qeverinë dhe zgjedhur Osmanin president.
Por, ai ka thënë se kjo do të bëhet nëse Kurti dërgon në Kushtetuese draftstatutin e Asociacionit në Kushtetuese, Kurti e Osmani do të vazhdojnë edhe për një mandate në postet aktuale.
Ai ka thënë se LDK-ja do ta votojë Osmanin presidentet.
“I ka votat me bë edhe Qeverinë dhe Presidenten. Por z.Kurti u e ka një problem, nuk e ndryshon diskursin për Asociacionin, dialogun, dhe në raport me veriun. Nëse Kurti e ndryshon këtë relacion e dërgon Asociacion në Kushtetuese dhe implementon për çështjen e veriut dhe dialogut temat që janë të nënshkruara, atëher Kurtin e ke kryeministër dhe Osmanin presidente, sepse i kanë votat. LDK-ja e voton Vjosa Osmanin”, ka thënë ai.
Por, me këtë nuk është pajtuar Asdren Shala i cili ka thënë se LDK-ja në vitin 2021 ka qenë në panik.
“Unë e kuptoj LDK e 2021, nuk është e njëjta, me gjithë dobësinë që ka me këtë rezultat është në trend të rritjes. Interesi i kryetarit të LDK-së është me rritë partinë”, ka thënë Shala.
