Përmes një videoje në Facebook, Zelensky ka kërkuar nga ata që të vazhdojnë luftën kundër pushtuesve rusë.
“Çdo pushtues duhet ta dijë: do të kundërshtohen ashpër nga ukrainasit. Ne jemi një komb që prishi planet e armikut brenda një jave. Ne i ndaluam ata”, tha presidenti ukrainas.
Sipas tij, ushtarakët rusë që janë kapur nga ukrainasit “nuk e dijnë pse janë këtu dhe se ata po ikin përsëri në Rusi”.
Ai thotë se trupat ruse janë “fëmijë të hutuar” të cilët po përdoren nga udhëheqësit e tyre në Moskë.
Po ashtu, ai ka falënderuar civilët në qytetet Konotop, Bashtanka, Energodar dhe Melitopol të cilët shtoi se kishin bllokuar rrugët për trupat ruse.
Zelensky gjithashtu nënshkroi një dekret, përmes të cilit i shpalli Heronj të Ukrainës 15 ushtarakë ukrainas, nëntë prej të cilëve kanë vdekur./teve1.info/
