Romelu Lukaku ka qenë njëri nga lojtarët më të përfolur në vitet e fundit në afatet e transferimeve, pasi belgu ka ndërruar ambient disa herë.
Në vitin 2011 Lukaku transferohet tek Chelsea nga Anderlecht, për t’u huazuar tek skuadra e West Bromwich Albion.
Dy vite më vonë, sulmuesi largohet nga blutë duke u transferuar tek Everton, për një shumë rreth 25 milionë euro dhe kaloi rreth 4 vitë në Goodison Park. Romanca filloi aty, Lukaku shënontë gola dhe vazhdimisht e puthte stemën e klubit të Everton.
Pas paraqitjeve të mira, ai largohet drejt Manchester United, me këta të fundit që dhuruan 85 milionë euro për shërbimet e tij. Aty, shtatlarti nuk pati eksperiencën më të mirë të mundshme, por megjithatë e puthi stemën para se të largohej drejt Interit.
Në vitin 2019, Lukaku nënshkruan me Inter, dhe, sigurisht ndjenja e të shënuarit në derbin e Madoninës, e bëri atë që të puth fanellën e Inter.
Forma e lartë në Itali dhe anglezët përsëri alarmohen duke kërkuar që ai të kthehet në ishull. Chelsea ‘pishman’ me largimin e tij, paguan këtë herë 100 milionë euro për ta patur në skuadër. Lukaku entuziast, me energji të re për ta përfunduar atë që kishte lënë në gjysmë i jep një puthje edhe fanellës së Chelseat.
Ai largohet përsëri nga Chelsea, për t’u kthyer tek Inter, dhe, pjesa tjetër është histori.
Lukaku këtë sezon ka qenë i lënduar, ndërsa u kthye nën urdhërat e Inzaghit në mësjavë, dukë shënuar kundër Viktoria Plzen në fitoren 4-0.