Polica ka njoftuar se rasti ka ndodhur të dielën në rrugën “Mbretëresha Teutë” në Obiliq me ç ‘rast thuhet se fëmija në fjalë, kishte kaluar hekurudhën dhe ishte futur nën urë në afërsi të lumit.
Përmes një njoftimi për media, polica ka njoftuar se fëmijës i është ofruar ndihmë mjekësore dhe është kthyer në përkujdesjen e prindërve, raporton teve1.info.
“Zyrtarët e stacionit policor në Obiliq, dje rreth orës 13:00, kanë arritur të gjejnë një fëmijë të moshës katër vjeç në rrethana potencialisht të rrezikshme për të. Ngjarja ka ndodhur në rrugën “Mbretëresha Teutë” në Obiliq, me ç ‘rast fëmija në fjalë, kishte kaluar hekurudhën dhe ishte futur nën urë në afërsi të lumit. Ndërkohë që fëmija është gjetur dhe i është ofruar ndihma mjekësore, i njëjti është kthyer në përkujdesjen e prindërve”, thuhet në njoftimin e Policisë.
