Krahas pajisjeve tjera, Policia e Kosovës në dispozicion do të ketë edhe mjete fluturuese.
45 dronë janë blerë nga ky institucion në vlerë prej mbi 81 mijë euro.
Qëllimi i këtij furnizimi është konsideruar si special.
Ndërkohë, problematike vazhdon të jetë blerja e uniformave për policët.
Për herë të gjashtë është vazhduar afati i tenderit, i cili tejkalon shifrën prej 11 milionë euro.
Furnizim me uniforma të punës për meshkuj dhe femra, furnizim me uniforma solemne për meshkuj dhe femra, furnizim me uniforma të nderit për meshkuj dhe femra.
Vonesat në tenderime, njohësi i sigurisë, Bedri Elezi, i ka lidhur me nevojën për plotësim ndryshim të Ligjit për Prokurim Publik.
Në afatet e mëhershme të tenderëve për furnizim me uniforma, janë vërejtur tentime për përvetësim të produkteve të dikujt tjetër.
Kjo solli inicim të rastit nga Policia e Kosovës ndaj tre operatorëve ekonomik për keqpërdorim dhe mashtrim në prokurim publik.
Kronika e realizuar nga gazetarja Florjeta Dernjani
