Ai gjatë një konference për medie tha se është e pakuptimtë që Kuvendi dhe Qeveria të mos ketë një komunikim zyrtar, të kërkoj nga institucionet përgjegjëse pse po bëhet ky diskriminim ndaj qytetarëve të Kosovës.
“Dje u vendos edhe një kusht, nesër do të vendoset edhe një kusht tjetër. Ky trajtim jo dinjitoz i Kosovës duhet të ndalohet. Drejtimi ynë dihet, është properëndimor, në politikën e jashtme të sigurisë proamerikan, në agjendën evropiane 100 për qind pro Brukselit”, tha Tahiri.
Ai shtoi se derisa Serbia është vendi i vetëm në rajon që nuk po i vë sanksione Rusisë, kalkulon dhe luan me agjendën e tyre për interesa politike, Kosova duhet të reagoj.
“Kosova e ka një drejtim, mos të keqpërdoret kjo, është një porosi që duhet të arrij në secilin vend nga secili. Kryetari i Kuvendit duhet të adresoj nga Kuvendi këto kërkesa drejt BE-së. Nëse kryeministri i Kosovës ka një kusht duhet t’i tregoj popullit, nëse jo, kjo çështje duhet të trajtohet”, tha Thairi.
Kurse shefja e Grupit Parlamentar të LVV-së, Mimoza Kusari-Lila, tha se Kosova është në udhëtim njëdrejtimësh dhe se sipas saj integrimi në BE për Kosovën nuk ka alternativë dhe ky është qëndrimi i partisë në pushtet.
Këto deklarime u bënë pas mbledhjes së kryesisë së Kuvendit.