Këtë fushatë e kanë nisur në Prishtinë.
Kreu i kësaj partie, Dardan Molliqaj ka thënë se vendi ka nevojë për ndërhyrje radikale në të gjitha segmentet.
“Kosova, për shumicën e qytetarëve të saj që kanë pak, është bërë vend jashtëzakonisht i vështirë për të jetuar. Shëndetësia publike është gërryer prej së brendshmi nga privatizimi i saj. Arsimi, prej atij të hershëm e deri tek ai universitar, është neglizhuar plotësisht nga çdo qeveri që se kishte atë në listen e tyre të prioriteteve. Në të njëjtën kohë, punëtorët e Kosovës janë të dorëzuar tërësisht në duart e pamëshirshme të tregut të punës; ata s’kanë siguri në vendin e punës e as mbështetje nga qeveria. E familjet me asistencë sociale detyrimisht marrin pjesë në ciklin vicioz të varfërisë deri në pafundësi në mënyrë që të ndihmohen nga institucionet e shtetit”, ka thënë Molliqaj.
Ai ka thënë se Qytetarëve të Kosovës duhet t shpërndahet në mënyrë të barabartë vlera e buxhetit të cilin e mbushin mbi 60% .
“Qytetarëve të Kosovës, të cilët mbushin mbi 60% të buxhetit të Kosovës, duhet të ju shpërndahet në mënyrë më të barabartë dhe të drejtë vlera të cilën e krijojnë me punën e tyre. Kjo gjë do të bëhet me tatime të reja, si ajo në dividentë dhe trashëgimi, si dhe reformim të tatimeve ekzistuese, si ajo në të ardhurat korporale e të ardhurat personale”, ka shkruar Molliqaj në Facebook./teve1.info/
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fdardanmolliqaj2%2Fposts%2Fpfbid0ibUvAatJThWYpcPnYAL8zpL4uQAvZiNsrLXYf1FKmm5J5qBEFnqG5idedzUPaVS2l&show_text=true&width=500″ width=”500″ height=”793″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
