Ai në fjalimin e tij parlamentar tha se me ndërprerjen e grevës është ndërprerë edhe fantazia e pushtetit për rënie të qeverisë.
Teksa tha se beteja e sotme e kryeministrit Kurti, është ndaj 25 mijë mësimdhënësve të Kosovës.
“Tani greva është ndërprerë dhe me të ka rënë edhe fantazia e pushtetit për rënie të qeverisë e armiqve të brendshëm kundër shtetit, por nuk ka rënë apetiti i këtij pushteti për të treguar forcë e për ti ndëshkuar me forcë të plotë pikërisht në tërheqje solidarizuesit me grevën. Pra hakmarrja e pushtetit merr formën e shkeljes dhe atë shkelje ndaj mësimdhënësve të këtij vendi, kjo është beteja e Albin Kurtit sot në Kosovë ndaj kujt.. 25 mijë mëdimsdhënësve, 25 mijë familjeve kosovare me 400 euro rrogë lider shembull a.. “, tha ai.
Abdixhiku theksoi se politika e kryeministrit Kurti, është selektive sepse sipas tij, ai ka vendosur që me vetëdije t’i dënoj 25 mijë mësimdhënës kosovarë.
“Kjo vogëlsi e tij prej hakmarrësi ndaj të dobëtit është shenjë e politikës së tij dhe në këtë politikë të tij ai është selektiv. Ka paguar të gjithë grevistët e tjerë secilit sektor tjetër publik por, ka vendosur me vetëdijë t’i dënoj vetëm 25 mijë mësimdhënës kosovarë është hakmarrje selektive ndaj një grupi ndaj një kategorie”, tha ai tutje./teve1.info./
