U ndanë rreth 50 mijë euro për të iu dalë në ndihmë viktimave të dhunës.
Derisa në ceremoni zyrtare u nënshkrua memorandum mirëkuptimi, mes disa komunave dhe qendrës së mbrojtjes së grave dhe fëmijëve.
Ata shpresojnë se edhe komunat e tjera do të motivohen rreth kësaj nisme.
“Jemi bashkë ta vazhdojmë këtë momerandum, dhe shpresojmë që ta kemi traditë të vazhdojm, ta motivojmë dhe komunën e Drenasit të na bashkohet në këtë nismë”, tha nënkryetarja e Komunës së Prishtinës, Donjeta Sahatçiu.
Nga Qendra për mbrojtjen e grave dhe fëmijëve treguan më shumë detaje rreth përkrahjes financiare në strehimore.
“Kanë qenë 74 raste ndërsa përkrahja financiare nga Ministria dhe niveli qendror kanë qenë 54 mijë euro, por me përqindje 66% kanë qenë nga komuna e Prishtinës, 12% komuna e Podujevës, 11 komuna e Fushë Kosovës, Lipjani 7%, Obiliqi 4%”, tha Zana Asllani, nga qendra për mbrojtjen e grave dhe fëmijëve.
E rritje të rasteve që kërkuan strehim kishte dhe gjatë vitit të kaluar.
“Në vitin 2021 ka një rritje të madhe që kanë kërkuar strehim janë 132 raste pra kemi pas fondin emergjent nga niveli qendror dhe qeveria, ndërsa nga Ministria e Financave punëve dhe Transfereve kemi pas 45 mijë euro”, shtoi ajo.
Nga fillimi i këtij, gjithsej 134 raste kanë gjetur strehim në strehimoret e vendit.
Kronika e realizuar nga gazetarja Lendrina Kodrolli.
