13:55 Ballkani shkon në pushim me epërsi
Është mbyllur pjesa e parë e ndeshjes Ballkani – Gjilani, e vlefshme për xhiron e nëntë në Superligën e Kosovës. Ekipi nga Suhareka ka shkuar në pushim me epërsi prej 1-0.
Arbër Prekazi shënoi autogol pas një topi të devijuar në minutat shtesë të pjesës së parë. Kjo është ndeshja përmbyllëse e xhiros së nëntë në elitën e futbollit kosovar.
Kujtojmë se në program për ditën e sotme ishte edhe ndeshja Prishtina – Trepça ‘89, e cila është shtyer nga FFK-ja për shkak të gjendjes jo të mirë të fushës në “Fadil Vokrri”.
12:08 Ballkani pret Gjilanin, formacionet zyrtare
Xhiroja e nëntë në Superligën e Kosovës vazhdon edhe sot me një sfidë në program.
Ballkani dhe Gjilani përballen sot në Suharekë. E parparë të zhvillohet sot ishte edhe takimi Prishtina e Trepça ’89, por që është shtyrë për një kohë të papërcaktuar.
Një duel shumë interesant në Suharekë me dy skuadrat që kanë pretendime të mëdha dhe sa herë janë përballur nuk ka munguar spektakli.
Ballkani në këtë takim vije pas dy fitoreve radhazi, derisa Gjilani pas një krize ku në tri ndeshjet e fundit ka marrë vetëm një pikë.
Vendasit kërkojnë të vazhdojnë ecurinë e fitoreve edhe në këtë përballje, në anën tjetër mysafirët janë të vendosur ta ndërprenë ecurinë negative.
Trajneri Ilir Daja dhe Zekrija Ramadani kanë shfaqur edhe formacionet e tyre startuese.
Ballkani: Frashëri, Ar.Thaqi, Sinani, Jashani, As.Thaqi, Dellova, Emërllahu, Korenica, Gripshi, Krasniqi, Rrahmani.
Gjilani: Kolici, Musolli, Jashari, Beqja, Dabiqaj, Cale, Krivanjeva, Islami, Prekazi, Solomon, Zabërgja.
Dueli mes Ballkanit dhe Gjilanit zhvillohet në stadiumin e qytetit në Suharekë me fillim nga ora 13:00. /Tëvë1/