Një përmbysje e madhe ka ndodhur në stadiumin “Giuseppe Meazza” në Milano.
Roma në ndeshjen e vlefshme për xhiron e tetë në Serie A, ndaj Interit ka arritur të kthehet nga disavantazhi dhe ta fitoj takimin 2:1.
Federico Dimarco kaloi Interin në epërsi në minutën e 30-të, ndërsa Roma barazoi nëntë minuta më pas me Paulo Dybalan. Chris Smalling realizoi në minutën e 75-të për fitoren e ekipit të Jose Mourinhos.
Nga fillimi në ndeshje u paraqit Kristjan Asllani tek Interi. Ai u zëvendësua nga Henrikh Mkhitaryan në minutën e 77-të.
Në tabelë, Roma ka 16 pikë në pozitën e katërt. Interi është i shtati me katër pikë më pak.
