Portugezi ishte shumë i lidhur me një largim nga Manchester United pas dështimit të tyre për t’u kualifikuar në Ligën e Kampionëve të këtij sezoni. Afër për të marrë yllin portugez ishte klubi nga Arabia Saudite, Al-Hilal, mirëpo gjatë rrugës së ndërmjetësimit u hodhën disa “gjemba” që ndaluan transferimin e tij në lindjen e mesme.
Al-Hilal ishte në garë me skuadra si Chelsea dhe Atletico Madrid ishin në garë për nënshkrimin e tij. Presidenti i Al-Hilal, Farhad ben Nafel konfirmoi se interesimi i klubit për Ronaldon ishte i vërtetë.
Ben Nafel, i cili sanksionoi një kontratë dyvjeçare me vlerë 2 milionë funte në javë dhe 210 milionë funte në total, plus një tarifë transferimi prej 25 milionë funtesh, gjithashtu pretendoi se 37-vjeçari ishte i kënaqur me marrëveshjen “në parim”.
“Po, ne kemi negociuar me Ronaldon. Problemi nuk ishte te paratë apo te parimi”, tha fillimisht Ben Nafel, që me pas u shpreh se e kishin të ndaluar regjistrimin e lojtarëve të rinjë nga Qendra e Arbitrazhit Sportiv.
“Al-Hilal është në gjendje të sjellë yjet e botës, por ishte vendimi i Qendrës së Arbitrazhit Sportiv që na pengoi të regjistrojmë lojtarët. Ne nuk u ndalëm së negociuari me lojtarët pavarësisht vendimit për të mos regjistruar lojtarë. Por ne ishim vonë në fazën përfundimtare të negociatave derisa të hiqej ndalimi”.
Shumë njohës të lidhur me futbollin në Arabinë Saudite e kanë bërë të qartë se do të donin ta shihnin Ronaldon t’i bashkohej ligës së tyre.
Skuadra saudite drejtohet nga Ramon Diaz dhe ka lojtarë si ish-mesfushori i Ëest Brom, Matheus Pereira, ish-sulmuesi i Atletico Madrid, Luciano Vietto dhe Odion Ighalo, i cili ishte i huazuar te Man United për një vit.
Ronaldo ka shënuar vetëm një gol deri më tani këtë sezon, një penallti kundër skuadrës moldave Sheriff Tiraspol në Ligën e Evropës, me Erik ten Hag që e ka startuar atë për vetëm një ndeshje të Premier League këtë sezon. /Tëvë1/
