Mëngjesin e sotëm në veri të Mitrovicës, përkatësisht në sheshin “Car Llazar” afër urës së Ibrit shihen të jenë shkruar disa grafite me mbishkrimin “Mos u brengosni, ne jemi këtu” me simbolin “Brigada e Veriut”.
Ndërkaq qytetarët e komunitet serb në veri shprehën se grafitet e tilla janë bërë modë dhe të shpeshta.
“Nuk mund të them asgjë ngase nuk jetoj këtu jetoj në Beograd. Mendimi im është negativ për këto. Mendoj se grafitet mund të jenë të kulturës që kanë porosi pozitive dhe përfaqësojnë kulturë dhe për takimin e sotëm jam për atë që njerëzit do merren vesh dhe do bëhet mirë”, tha qytetari, Albert Kurtiç.
“Sipas mendimit tim është modë për të i bërë këto grafite menjëherë, disa njerëz e dinë se kush i ka bërë disa jo. Sa i përket takimit të sotëm Kurti është intelektual në politikë”, tha një qytetar tjetër.
E qytetarët shqiptarë të Mitrovicës, nuk janë të shqetësuar nga këto grafite.
“ Aty i kanë shkruar për serbët jo për shqiptaret “mos u brengosni” se aty ka veç serb, shqiptar ka shumë pak. Vuçiqi e njeh veç gjuhën e forcës, nuk njeh njerëzi”, tha qytetari Halil Ferizi.
“ Nuk është për me u friksua, ne jemi këtej ndërsa ata andej. Ne e kemi Amerikën nuk kemi çka me u friksu”, tha qytetari Aziz Arusaj.
Ndryshe, takimi mes Kurtit dhe Vuqiq erdhi pas tensioneve së fundmi të krijuara në veri, për shkak të vendimit të Qeverisë së Kosovës për reciprocitet me dokumentet serbe.
Raporti i gazetares Lendrina Kodrolli.
