Gjukanoviq tha se Serbia ka për qëllim edhe homogjenizimin etnik dhe fetar brenda shteteve të rajonit.
“Bëhet fjalë për një skenar alternativ për të ardhmen e Ballkanit Perëndimor jashtë BE-së. Që nuk na duhet. Ne kemi nevojë për anëtarësim në BE. Ata që nuk e shohin rajonin tonë në Evropë, nuk shohin as demokraci multietnike në Ballkan. Atyre u pëlqen ideja e ndryshimit të kufijve, homogjenizimi etnik dhe fetar brenda shteteve të zgjeruara. Si zakonisht, çdo gjë nis tradicionalisht nga pala serbe, këtë herë në “botën serbe”. Dhe vazhdon, automatikisht, me të njëjtat zullumqarë të shtetit të madh”, ka thënë presidenti malazez për portalin “Autonomija”.
Po ashtu, Gjukanoviq ka thënë se “Ballkani i Hapur” përfundon me zhdukjen e Bosnje e Hercegovinës, Malit të Zi, Kosovës dhe Maqedonisë së Veriut.
“Por është e sigurt se do të kishte përfunduar me luftë dhe disa gjenocide të tjera”, ka deklaruar Milo Gjukanoviqi.
