Me rastin e kësaj ceremonie, Kryetari i Kuvendit të Republikës së Kosovës, Glauk Konjufca, Ministri i Punëve të Brendshme, Xhelal Sveçla dhe Drejtori i Përgjithshëm i Policisë, Samedin Mehmeti bënë homazhe dhe vendosën kurora me lule në nderim të heronjve që ranë në krye të detyrës.
Ceremonia e filloj me një minutë heshtje dhe me himnin shtetëror.
Kryeparlamentari, Glauk Konjufca, tha se 26 korriku është data e policëve heronjë për të cilët thotë se nuk kursyen as jetën e tyre në mbrojtje të sovranitetit dhe të integritetit territorial të Republikë ë Kosovës, shkruan teve1.info.
“Përherë do të ju përkulemi me krenari dhe me respekt veprës së policëve tanë heronj. Policia e Kosovës me punon dhe organizimin e saj të palodhshëm ka arritur të shndërrohet në institucionin më të besueshëm të popullit tonë e në këtë rrugëtim 21 policë ranë në krye të detyrës, ata janë heronjtë e shtetëndërimit, sundimit të ligjit të demokracisë e të paqes në vendin tonë. 26 korriku shënon edhe rënie e heroit tonë Enver Zymberi i cili 11 vite më parë si 32vjecar derisa ishte pjesë e operacionit të njësive operative të Policisë ë Kosovës për vendosjen e sundimit në vendkalimet kufitare në veri të vendit tonë e dha jetën në mbrojtje të sovraniteti dhe integriteti territorial të Kosovës”, tha Konjufca.
Ndërkohë, në fjalën e rastit, Ministri i Punëve të Brendshme, Xhelal Sveçla theksoi se figura e policit është më e afërt e qytetarit me institucionin para çdo zyrtari.
“Është polici ai që çdo ditë të tij e vë në mbrojtjen e drejtpërdrejt të qytetarit ndaj edhe me rrezikun imediat të jetës së vet. Si ministër i brendshëm e shoh policin si pjesë integrale të shoqërisë e jo i përfaqësuesin e dhunës shtetërore sepse vetëm në këtë vizion policia jonë do të jetë institucioni më dinjitoz i shtetit”, tha Sveçla.
Ai po ashtu bëri thirrje tek organet e drejtësisë në bashkëveprim mezyrtarët policorë të veprojnë shpejt e drejtë për zbardhjen e vrasjes së Evner Zymberit dhe të gjithë të tjerëve si dhe sjelljen e kriminelëve para drejtësisë.
Me këtë rast edhe Drejtori i Përgjithshëm i Policisë, Samedin Mehmeti tha e Policia është një familje e madhe dhe kërkoi nga secili pjesëtarë i Policisë së Kosovës të punojë e profesionalizëm, nderë në shërbim të vendit.
“Të gjithë ne duhet të jemi krenarë për heronjtë tanë ashtu siç është vendi ynë me ta. Ata me veprën dhe sakrificën e tyre kanë marrë vlerësimin më të lartë që Republika e Kosovë e jep titullin hero i Kosovës dhe heronjtë lindin por nuk vdesin, at vetëm largohen fizikisht për të mos u harruar kurrë”, tha Mehmeti.
Në nderim të punonjësve policorë të rënë në krye të detyrës gjatë ceremonië është bërë parakalimi i gardës dhe njësiteve policore./Teve1.info/
