Kosova gjatë ditës së sotme pritet të ketë mot të ndryshueshëm, me intervale me diell dhe shtim të vranësirave në pjesë të ndryshme të vendit.
Në disa zona, këto kushte atmosferike mund të shoqërohen me reshje shiu.
Sipas Institutit Hidrometeorologjik të Kosovës (IHMK), temperaturat minimale do të jenë nga 4 deri në 9 gradë Celsius, ndërsa maksimalet do të arrijnë nga 14 deri në 17 gradë Celsius.
Ndërkohë, era do të fryjë nga veriperëndimi, me shpejtësi prej 1 deri në 5 metra në sekondë, bëhet e ditur në njoftimin e IHMK-së./teve1.info/
