Presidentja e Kosovës, Justina-Shiroka Pula, ka udhëtuar drejt Budapestit, ku do të marrë pjesë në ceremoninë shtetërore me rastin e 70-vjetorit të Revolucionit Hungarez të vitit 1956.
Siç bëhet e ditur në njoftimin e Presidencës, vizita po zhvillohet me ftesë të homologut të saj hungarez, András Baka, me të cilin presidentja kosovare pritet të zhvillojë edhe një takim bilateral.
“Në ceremoninë përkujtimore, e cila shënon një nga ngjarjet e rëndësishme të historisë moderne të Hungarisë dhe përpjekjet e popullit hungarez për liri e pavarësi, Shiroka-Pula pritet të jetë në mesin e afro 100 liderëve dhe përfaqësuesve politikë nga vende të ndryshme të botës”, thuhet në njoftim.
Gjatë qëndrimit në Hungari, presidentja do të zhvillojë gjithashtu një takim me përfaqësues të mërgatës shqiptare që jeton dhe vepron në këtë shtet./teve1.info/
