Në këtë shkresë, ishte propozimi i Albin Kurtit për veteranët.
Propozimi parasheh krijimin e një ligji të ri i cili do të bënte vlerësimin dhe verifikimin e të gjithë pjesëmarrësve të luftës.
Sipas zëdhënësit të Qeverisë, Përparim Kryeziu, derisa të përfundoj procesi i verifikimit, veteranët do të përkrahen përmes punësimit në tregun e punës.
“Ne besojmë se me këtë propozim sigurohemi që të kemi një listë përfundimtare dhe të saktë të veteranëve, duke i bërë nder luftës dhe sakrificës së popullit tonë dhe duke mundësuar një trajtim të dinjitetshëm atyre që dhanë kontributin e tyre në çlirimin e vendit. Alternativë ndaj këtij propozimi të Kryeministrit Kurti mbetet zbatimi i ligjit në fuqi për kategorizimin e veteranëve, i cili në momentin e miratimit, nga çfarë kemi kuptuar në takimin e qershorit, ka pasur edhe mbështetjen e OLV të UÇK-së. Të dy alternativat do të zhvilloheshin veçmas dhe pa e penguar apo ndikuar procesin gjyqësor në zhvillim e sipër”, ka thënë Kryeziu.
Në anën tjetër, nga kjo organizatë thonë se në këtë propozim nuk kishte asgjë më shumë se ajo çka kanë diskutuar në qershor.
Sipas anëtarit të kryesisë së OVL-UÇK-së, Enver Hajdarit nuk mund të ketë ligj të ri, derisa çështja e veteranëve të luftës është ende në gjykatë.
Organizata e veteranëve të luftës, gjatë qershorit kanë protestuar para Kuvendit të Kosovës, për mospërfshirjen e tyre në pagën minimale. Derisa sërish i lënë të hapura të gjitha alternativat e reagimit
Raporti i gazetares Fetije Kamberi.
