Pas një pritjeje të gjatë, Shqipëria dhe Maqedonia e Veriut nisën negociatat për anëtarësim në Bashkimin Evropian.
Liderëve të këtyre dy vendeve së bashku me presidenten e Komisionit Evropian, Ursula Von Der Leyen u është rikthyer buzëqeshja.
Ky po konsiderohet një momentum i ri për Ballkanin Perëndimor.
Prandaj njohësit e zhvillimeve politike po vlerësojnë se ky është një lajm i mirë edhe për Kosovën.
Analisti politik, Agon Maliqi, thotë se nuk ka vend për entuziazëm derisa Kosovën e pret një rrugë edhe më e gjatë.
Ai vlerëson se ky është një proces shumë i vonuar për këto dy shtete.
Vendimin e BE-së për hapjen e bisedimeve me Shqipërinë dhe Maqedoninë, e ka përshëndetur edhe Presidenti amerikan, Joe Biden.
Sa i përket Kosovës, BE-ja ka premtuar se edhe vendi ynë do të jetë në agjendën e anëtarësimit, ndonëse ka një rrugë më të gjatë për shkak të mosnjohjes së saj nga pesë vende anëtare të Unionit.
Raporti i gazetarit Shpat Blakçori.
