Për këtë, profesor Seb Bytyqi ka thënë në emisionin “Info Nata” në Tëvë1 se përderisa nuk ka pajtime për agjendën, nuk mund të pritet të ketë përparim apo edhe takim të dialogut.
“Kemi parë që deri më tash ka pasur disa herë mospajtime edhe publike sa i përket vet agjendës, pra se çfarë duhet të diskutohet, çfarë duhet të negociohet dhe përderisa nuk ka një pajtim për agjendën, atëherë nuk mund të presim se do të ketë edhe përparim por edhe vet takime”, tha ai.
Ai thotë se para vjeshtës nuk mund të pritet ndonjë takim i ardhshëm dhe sipas tij, ka gjasa që takimi mes Kurtit dhe Vuçiqit të ndodh gjatë vjeshtës.
“Kështu që mendojë se duhet të punohet më shumë nga ndërmjetësuesi që të arrihet pajtimi për agjendën. Nëse nuk ka pajtim atëherë edhe mund të zvarriten këto takime, tashmë jemi në sezonin e pushimeve verore, kështu që para vjeshtës nuk mund të pritet ndonjë takim i ardhshëm. Ka gjasa që të ndodh ndonjë takim gjatë vjeshtës”, ka deklaruar Bytyqi. /teve1.info/