Për klubet e Superligës së Kosovës në futboll nuk ka pushim, pasi xhiro e radhës do të zhvillohet menjëherë, pra në mesjavë.
Për tri ditë, do të luhen pesë ndeshjet e xhiros së pestë të elitës së futbollit kosovar.
Dy ndeshje do të zhvillohen të martën, dy të mërkurën dhe një tjetër të enjten.
Pra, xhiro e pestë nis të martën pasdite dhe mbyllet të enjten në mbrëmje, me duelin Dukagjini – Malisheva që nis prej orës 19:00 dhe luhet në Klinë.
Të martën, do të zhvillohen ndeshjet Drenica – Prishtina e Vushtrria – Llapi, që startojnë nga ora 16:00 sikurse edhe dueli Feronikeli ’74 – Drita që zhvillohet të mërkurën.
Ndërkohë, ndeshja Gjilani – Ballkani që luhet të mëkurën do të startojë nga ora 19:00, që do të thotë se në këtë xhiro do t’i kemi dy përballje që do të zhvillohen nën dritën e reflektorëve.
