Barcelona është shfaqur e pandalshme në fillim të këtij edicioni në La Liga. Për herën e tretë rresht në katër ndeshje, ka realizuar pesë gola brenda një ndeshjeje.
Të dielën në xhiron e katërt të elitës spanjolle, Barcelona e “shkatërroi” Valencian duke e mposhtur me rezultatin 5:0 në stadiumin “Mestalla”.
Superylli Lamine Yamal shënoi dy gola, të parin dhe të fundit, ndërsa nga një tjetër gol e shtuan Fermin Lopez, Raphinha dhe Pedri.
Barcelona 5:0 e mposhti Elchen në xhiron e parë, dhe 5:2, Rayo Vallecanon. Me rezultat 2:0 fitoi ndaj Athletic Bilbaos.
Në katër ndeshjet e këtij sezoni, Barcelona ka krijuar goldallim 17:2.
