Tre persona kanë pësuar lëndime trupore si pasojë e një aksidenti trafiku që ka ndodhur në fshatin Tomoc të Istogut.
Rasti ka ndodhur rreth orës 13:30, ndërsa në aksident janë përfshirë dy automjete.
Lajmin e ka konfirmuar për Tëvë1 zëdhënësi i Policisë së Kosovës për Rajonin e Pejës, Driton Rugova.
“Policia është njoftuar për një aksident trafiku i cili ka ndodhur në fshatin Tomoc-Istog. Në këtë aksident ishin të involvuara dy vetura dhe si pasojë e aksidentit tre persona kanë pësuar lëndime trupore. Të njëjtit janë dërguar në Spitalin Rajonal në Pejë për tretman mjekësor”, ka thënë Rugova.
Nuk janë bërë të ditura detaje të tjera lidhur me gjendjen shëndetësore të të lënduarve.
